احلى أكلة بط ومعاها صينية بطاطس ولسان عصفور بالكبد والقوانص

جبتلكم النهاردة البط بطريقتى
ومعاها كمان لسان عصفور بالكبد والقوانص
وكمان صينية بطاطس نى فى نى بس ممتازة

مقادير البطة
بطاية مناسبة فى الحجم


3 حبات بصل للحشو

وطبعا نبشرهم ونتبلهم بالملح والفلفل
ونفركهم كويس مع بعض لحد منزل مية البصل
بعد ما نظف البطة كويس وننقعها نشطفها
ونحشيها بالبصل ولو حبة تحشيها بالكبدة
والقنصة ممكن بس انا استخدمتهم مع لسان العصفور
وهقولكم الطريقة

بعد كدة نجهز الحلة اللى هنسوى فيها ونحط
فيها ملعقة زيت وفصين حبهان ومستكة
ولو مفيش ممكن تستخدمى فصين ثوم مدقوق
وبعدين تشوحى فيهم البطة
بعد كدة

نضيف المية وورق اللاورا
والملح والفلفل ونغطى عليها لحد ما تستوى

بعد كدة دخلتها الفرن علشان تحمر
هنا بعد ما خرجت من الفرن


بعد كدة قدمتها مع الرز
ولسان العصفور بالكبد والقوانص وصنية البطاطس
صينية البطاطس

شرائح بطاطس

وفلفل اخضر وبصل مقطع شرائح
وكام فص ثوم

ونحطهم مع بعض بالتبادل فى صينية فرن
ونحط عليهم عصير الطماطم
وملح وفلفل وملعقة سمن او زيت

وندخلها الفرن او على البوتجاز من فوق
وعادة باعملها فوق وممكن بعد كدة ادخلها الفرن
شوية

دلوقتى مع لسان العصفور
طبعا حمرت لسان العصفور وسبتة فى جمب
قطعت الكبدة والقنصة قطع صغيرة
وبشرت بصلة وحمرتها شوية
وبعدين حطيت عليها الكبدةوالقنصة وقلبتهم
مع بعض وسبتهم لحد ما استوو وحطيت مية تكفى لسوا
لسان العصفور
وبعدين حطيت لسان العصفور وهديت النار
وكل شوية
اقلب لحد ما استوى

ممممممممممممممممممممممم شامه الريحه من هنا تسلم ايدك