خليهم يعصروها يشربوها يخرطوها تعالى معاى اكلات للشهر كله من غيرطماطم

الاسبوع التالت
1- صنيه جلاش باللحمه او الجبنه او السجق او البسطرمه
التكلفه على حسب الحشوة طبعا يعنى السجق تمنه غير الجبنه غير اللحمه بس حاولى ما تزوديش اوى السعر احنا بنحاول نلم نفسنا فى الايام الغبره دى ربنا معانا يارب ويبارك فى القليل وجمب الجلاش اما مخلالات او سلطه من غير طماطم وممكن تعملى شوربه اى نوع تحبيه لو عندك شوربات لحمه او فراخ او ممكن تشوفى صنف كدا غريب عاوزين الرجاله يعرفوا ان الستات مابيغلبهاش طماطم هههههههههههههههههههه
2- صنيه بطاطس بالبشاميل
دى سهله جدا ولذيذه هتحتاجى 2بطاطس وتحمريهم مكعبات صغننه وتعملى بشاميل وفى النص اما بسطرمه او لحمه مفرومه او فراخ بايته عندك او اى حشوه تحبيها ودى برضوا جمبها اما شوربه او بتنجان بالخل والتوم وسلطه وبتتاكل بالعيش هايله لو تحبوا الطريقه برضوا بالتفاصيل اقولها ليكوا
تكلفتها 2بطاطس يعنى نص كيلو جنيه ونص ونقول لو هنعمل الحشوة لحمه مفرومه يبقى ربع ب7ونص وكيس عيش بجنيه ونص لبن ومعلقتين دقيق نقول 3جنيه تقريبا
3- فته كوراع وفواكهه اللحوم المحمره
انا عارفه ان مش اغلبنا بنحبها بس طبعا انا براعى كل الاذواق
انا بجيب الكارع الامامى ارخص بكتير من الخلفى لسه جيباه ب15جنيه وفى ب12 واهى كلها كوارع يابنات ارحم من الكارع الخلفى ابو 50جنيه دا
هنجيب جمبها نص كرشه على فشه ونعملهم محمرين بالسمنه وجمبهم سلطه وزى ما اتفقنا الصلصه بتاعت الفته جربها بكوب زباى وخل وتوم
التكلفه الكارع الامامى ب15 والفشه والكرشه نص بس كفايه على نفرين ب7ونص والرز والعيش نقول باقى العشره تقريبا وسلطه او مخلل جمبهم
5- مكرونه بالفراخ بالصلصه البيضا
دى بتجيبى فراخ بانيه وتقطعيها حتت صغننه وبعدين تجيبى بصل وتوم وفلفل الوان وتشوحى الفراخ بالزبده وتنزلى عليها بالبصل والتوم والفلفل ومعلقه دقيق وسنه مايه اول ما تسوى وتتقل انزلى بالمكرونه المسلوقه وفى الاخر رشه جبنه والله هايله جربوها اى استفسار فيها تحت امركم
التكلفه البانيه قولى ربع كيلو ب10 وكيس مكرونه بجنيه ونص وجمبها سلطه
6- فول نابت وبتنجان بالخل والتوم وطعميه
طبعا كلنا عارفين بيتعملوا ازاى والتكلفه كلها لم ولن تتعدى ال10 جنيه
7- خضار سوتيه ورز ولحمه محمره او كفته او فراخ
هتروحى للخضرى وقولى له عاوزة شوربه خضار ب5جنيه او ب7 او ب10 انتى ومقدارك وشوحى الخضار كله وقدمى معاه اما فراخ او لحمه او كبد وقوانص او لحمه محمره او مسلوقه او اورديحى انتى ومقدارتك ورز بالشعريه
كدا تالت اسبوع خلص

الاسبوع الرابع
1- السمك
عندك حريه اختيار اما مشوى او مقلى زى ماتحبى وجمبه مخلل او سلطه من غير طماطم بالفلفل الالوان او طبعا رز صياديه
انا بيكفينى كيلو سمك وهو فى اى حال من الاحوال لا يزيد عن 12جنيه للكيلو نص رز والسلطه نقفل ال15جنيه
2- مكرونه بالبشاميل وممكن تحشيها فراخ بدل اللحمه وممكن تعمليها بالبسله والجرز مع الفراخ وممكن باللحمه عادى وممكن بالسجق وممكن بالكبد والقوانص زى ماتحبى
والتكلفه برضوا على حسب الحشوة
3- رز بالفراخ والكارى وشبسى وسلطه
هتجيبى ربع فراخ بانيه ونص كيلو رز ومعلقه كبيره كارى وبصله
هتشوحى البصله وتنزلى بقطع الفراخ والكارى وملح وفلفل تستوى الفراخ حبه انزلى بالمايه والرز لو تحبوا تفاصيل الطريقه تحت امركوا وجمبها شبسى وسلطه
4- طاجن اللحمه بالبصل والخضار وملوخيه ورز
انا هستخدم لنفرين او تلاته اقل من نص كيلو لحمه حوالى خمس حتت مابين الربع كيلو ومابين النص وطبعا التكلفه حوالى 15جنيه للحمه واى نوع خضار عندك وطبعا بصل وفلفل اساسى وجزر مبشور وملح وفلفل وسبيه ياخد فى بعضه بالفرن هيطلع روعه جربوه هايل ومعاه رز بالشعريه وطبق ملوخيه
5- كوسه باللبن والزبادى والنعناع
هتجيبى الكوسه وتاوريها للحشو وتحشيها لحمه مفرومه عادى جدا وتاخديها بس تشويحه فى الزيت وتجيبى كوب لبن كبير ومعاه كوب زبادى وتقلبى وملح وفلفل وتنزلى بالكوسه تستوى فى اللبن ولما تستوى انزلى عليها بالنعناع الناشف
قدمى معاها اما شعريه محمره ومفلفله او رز الى يعجبكم
6- رز معمر وفراخ مشويه وسلطه خضرا
اكيد عارفين بيتعمل ازاى
7 رز بالبشاميل والخضار واللحمه المفرومه
برضوا لو تحبوا الطريقه اقولها ليكم
انا كدا خلصت ال30 اكله والله لسه فى دماغى اكل تانى وارجوكم يابنات بجد تقاطعوا اى شىء غالى مش بس الطماطم يعنى اللحمه الى عند الجزارين بلاش منها الفراخ الى عند الفرارخى برضوا لو غليت عليكوا استعملوا المجمده
حاولوا انا عارفه انه صعب وعارفه ان كلنا تعبانين بس بلاش حد يتحكم فينا كفايه بقى ذل ومهانه بقى
ربنا معانا ويبارك لنا فى ارزقنا وقوتنا يارب
منقووووووووووووووووووووووووول