موسوعة الافكار المنزلية لست البيت الذكية

مشكوره ام حمزه علي مرورك بس ياريت اللي يدخل يقول فكره جديده اما انت يا ست الكل الحاجه ناديه فكرتك جميله انا عمري ما حطيت لبن علي الليمون هاجربه ان شاء الله وهادعيلك

نورت الموضوع اخ مصطفي يعني ابعتلك لمونتين من الفريزر مثلا حضرتك اتعلم ونفذ متستناش تدوق احنا بنتكلم بس
حضرتك عارف الستات ههههه

مشكوره ام ملك جزاك الله خيرا علي ردك واضافاتك
وياريت كل اللي عنده اي معلومه تخص البيت والمطبخ يتحفنا بيها

اليوم مع معلومه جديده ونظافة بعد ادوات في مطبخك
نظافة ( الخلاط الكهربائي )


بعد الاستعمال مباشرة ، ضعي بضع قطرات من سائل غسل الاواني ثم املئيه للنصف بماء ساخن ، شغليه للحظات ثم اشطفيه


هذي فكره حلوه دايما تسهل علي تنظيف الخلاطات وخصوصا الكبيره



تنظيف المايكروويف
اغلي ماء بطاسه من 5 الى 10 دقائق بالمايكروويف على طاقة عالية ، دعي الطاسه عدة دقائق اخرى ، اخرجيها بحذر مرتدية عازل قماشي ثم نظفي المايكروويف حالا
هذي الفكره سويتها وبصراحه غااايه في الروعه وسهله مره
جربوها وشوفو



قطرات الفاكهة بالفرن


اذا نقط سائل من الفاكهه مثلا بالفرن وانتي تخبزين خصوصا اذا كان فاكهة ، رشي عليه ملح وسوف يجف حالا ويتماسك وسيكون عليك من السهل ازالته


تنظيف اسطح القطع الخشبية


كل اسبوع ، رشي اسطح القطع بالبيكنج صودا ، ثم رشيها بالخل الابيض ، دعيها مدة 5 دقائق ثم اغسليها بالماء ستلاحظين فوران لكن ذلك عادي لتفاعل المادتين ، جففيها حالا حتى لا تتقوس من الماء الزائد مع المدة



تنظيف بقع الدهون


اذا وقعت بقعة من الزيت مثلا على ملابسك ، رشي عليها من بودرة الاستحمام حتى تغطيها تمام واتركيها نصف ساعة ، مشطيها بفرشاة ثم اغسليها بيديك مستعملة صابون للأواني


علامات السعر


عند شرائك الأدوات الزجاجية والبلاستيكية صعوبة نزع ورقة السعر الموجوده عليها ، لذلك ضعي القليل من زيت الزيتون وستلاحظين سهولة ازالتها
الطريقه هذي بسرعه تجي معي وخفيفه وحلوه وعلى فكره استخدمي اي زيت بس زيت الزيتون ماله ريحه



تنظيف فتاحة العلب


لتنظيف شفرة فتاحة العلب ضعي فوق فرشاة اسنان قديمة مقدار من الصابون المضاد للبكتريا وادعكيها ثم اشطفيها ، من المهم ان تعقمي هذه الشفره من حين الى آخر لضمان القضاء على البكتريا المتكونة عليها


طريقه سهله وحلوه ونظيفه جددددا
لتنظيف النحاس

ادعكيها مستخدمة الكتشب ثم اغسليها واجففيها ، فهو سيعطيها لمعان غير طبيعي




تنظيف الأطباق الغير قابلة للاتصاق


بدلا ان تخدشي هذا النوع من الأطباق ، قومي بوضع كمية من الماء فيها ثم دعيه يغلي ، ستنفصل بقايا الطعام العالقة بهذه الطريقة




بيض على الأرض


اذا سقطت منك بيضة على الأرض ، قومي برشها فورا بملح ثم اتركيها لعدة دقائق ، نظفيها بقماشة وستلاحظين سهولة تنظيفها



لتنظيف بقع المغسلة ،

ادعكيها بنصف ليمونة طازج

ايه ياجماعه في الافكار هو الفكره مش عجباكوا ولا ايه
عموما انا هضيف حاجه جديده في الموسوعه
انا الصراحه طبيخي عادي بس لو عندنا عزومه اعرفوا ان الكل مستني طبيخي
ود ازاي
لما بيكون فيه عزومه طبعا ببقي متعصبه ومشدوده وخايفه حاجه تبوظ او تتحرق او ...........
فانا بعمل ايه
بخليني مع ربنا علشان ربنا يبقي معايا وعونه هو اللي يساعدني من اول ما ادخل المطبخ لاخر ما اطلع (فمن وجد الله فماذا فقد ومن فقد الله فماذا وجد)
تيجي داخله تسمي وتبدأي ذكر علي طول اي ذكر(استغفار- تكبير -حمد لله.......) تيجي تبداي حاجه لازم تسمي تخلصي حاجه تحطيها في جنب وتحمدي ربنا
ويريت تجربيها مره وتشوفي الفرق
بجد والله فعلا هتلاقي فرق واتحداكي
حتي وان مكنش فرق
شوفي انتي بتقعدي في مطبخك قد ايه من اول ما تدخلي لغاية ما تنضفي المطبخ والمواعين اقل حاجه هيكون 4 ساعات شوفي هتكوني جمعتي فيهم كام حسنه وخلصتي من كام سيئه وازرع ليكي كام شجره في الجنه و.......
ده غير البركه في الاكل وفي وقتك وصحتك وان شاء الله ربنا يجعل اكلك صحي وسليم
ده افضل من انك تكوني سرحانه او عماله تدندني في اغنيه او عماله تتكلمي وتجيبي في سيره الناس وتعبي سيئات في رايك ايه ايه افضل
عايزاكي بجد تجربيها ولو مره وانتي نفسك مش هتستغني عنها ابدا
وشكرا ليكوا كلكم
ومتنسوش الردود والدعاء وكل اللي عنده فكره جديده يضيفها

جربتى الباذنجان البانيه قبل كده ؟؟ تعالى دوقيه
باذنجان بانيه ؟؟؟؟
اه وطعمه روعه وكانه فراخ بانيه
باتبل شرايح الباذنجان بميه بصل ولمون وملح وفلفل وبهارات واسيبه شويه بعدين احطه فىالبيض مع شوية فلفل وملح بعدين فى خلطة الفرخ البانيه واقليه فى الزيت وتاكليه كانه فراخ بانيه .........وبالهنا والشفا

طريقة سهلة لعمل جبنة ثلاجة فى المنزل
المقدار كل 2كيلو لبن يكفى لصنع 1كيلو جبنة لكل كيلو لبن2ملعقة كبيرة منفحة 2 الخطوات نحضرصينية ثم نملا نصفها تقريبا بالماء ثم نضعها على النار حتى يصبح الماء دافئئ تقريبا نحضر حلة من الصاج او اى نوع حسب المتوافر لديكى نضع فيها كمية اللبن ثم نذوب فيها ملح حسب الرغبة ثم نقلب فيها المنفحة ثم بعد ذلك نضع الحلة فى الصينية التى تم تدفئة الماء بها على النار ونطفئ النار ونغطى الحلة ونتركها حوالى 2ساعة حتى يتماسك اللبن ثم بعد ذلك نحضرقطعة من الشاش ونضعها فى مصفاة ثم نقلب فيها اللبن المتماسك ونتركها حوالى 5ساعات ثم نقلبها من المصفاة على طبق كبير ونقطعها قطع صغيرة او كبيرة حسب الرغبة وبا لهنا والشفا

اقراص البطاطس المقلية على الطريقة الامريكيه بيموت فيها الاطفال والكبار
-المقادير:
2حبة بطاطس متوسطه
بيضة
2 ملعقة دقيق
ملح وفلفل


-الطريقة:
نقشر البطاطس بعد كده نبشرها بالمبشره الواسعه
ونكسر عليها البيضه ومعلقتين الدقيق ونتبلها بالملح والفلفل
وبعدين نعملها اقراص زى الطعميه ونقليها فى الزيت

ملحوظه:بعد بشر البطاطس واضافه باقى المكونات تتقلى علطول عشان لو اتسابت البطاطس بتنزل ميه كتير وتبوظ العجينه(يعنى تتقلى فى ساعتها

كفته سريعه وسهله
: نصف كيلو لحم مفروم
2 ملعقة كبيرة برغل
بصلة متوسطة
2 فص ثوم
4 عيدان بقدونس
ملح وفلفل+بهارات+حبهانالتحضير: يسلق البرغل و يصفى
الطبخ: يفرم البصل و الثوم و البقدونس و البرغل+التوابل فى الكبة
تعجن المكونات السابقة مع اللحم و تصبع الكفتة و توضع فى صينية مدهونة بقليل من الزيت
تغطى الصينية بورق الالومنيوم وتوضع على النار لمدة 15 دقيقة
تحمر الكفتة على النار عند موعد الاكل ملاحظات: اذا احببت ان تضيفى رائحة الشواء.....ضعى على الكفتة بعد التحمير قطعة فحم متوهجة وضعى عليها ملعقة سمن وغطيها بالالومنيوم